15/11/2021
Bèl nouvèl ! Gen yon nouvo Grenadye ki vin antre nan ekip k ap kore Platfòm MIT-Ayiti : Glordens Cenat ki se yon etidyan nan Kean University, New Jersey, e k ap patisipe nan yon pwogram entèna Kean / MIT-Ayiti . Glordens se moun Kafou, Ayiti, natif natal. Aprè etid klasik li nan Collège Secondaire de Carrefour, li te fè yon kout pye […]
24/06/2021
Diskriminasyon lengwistik se youn nan pi gwo mal k ap wonje sosyete a nan tout rakwen li. Rapò sila a prezante rezilta yon ankèt ki te fèt an liy nan yon fòmilè Google sou diskriminasyon anndan lekòl nan peyi a. Rapò sa a prezante temwayaj elèv osnon ansyen elèv lekòl kongreganis, piblik osnon layik. Temwayaj sa yo demontre nivo vyolans sikolojik ak fizik elèv yo sibi anndan sal klas yo. Vyolans sa yo kite mak sou tout aspè nan lavi yo menm apre yo fini lekòl. Viktim yo te pwopoze divès solisyon tou.
03/06/2021
Sa se diskou Dominique Dupuy, Anbasadè Ayiti nan UNESCO nan yon konferans UNESCO, nan dat 27 me 2021, sou enpòtans lang manman pou devlopman, lapè ak rekonsilyasyon. Diskou sa a se yon moman istorik nan batay pou lang manman kòm zouti pou ansèyman, liberasyon ak byennèt tou patou sou latè beni. Anbasadè Dupuy prezante yon bèl pledwaye pou majorite moun ann Ayiti k ap krebete an ba baboukèt lang franse nan lekòl tèt an ba ann Ayiti. Ekip MIT-Ayiti a disponib pou n kole zepòl ak Anbasadè a ansanm ak UNESCO pou n ede nan bati yon lekòl tèt an wo.
05/05/2021
Mèsi anpil — mèsi ANPIL ANPIL ANPIL, wi ! — BIC Tizon Dife, Lens Beats ak Steevens Desir pou bèl chante ak videyo sa a !
30/03/2021
Pandan Platfòm MIT-Ayiti ap selebre yon lòt ane pwogrè, direktè kominikasyon Platfòm lan, Ezra Remer, ap gide nou nan yon pati nan chemen nou rive suiv depi lansman Platfòm rive jounen jodi a.
20/01/2021
Bèl nouvèl : Gen yon nouvo Grenadye ki vin antre nan ekip k ap kore Platfòm MIT-Ayiti : Djeride Jean-Baptiste ap ede nan aktivite kominikasyon pou inisyativ la.
14/07/2020
Grenadyèz Laissa Moise ak Jemima Morinvil se 2 etidyan biyoloji nan pwogram lisans nan Kean University nan New Jersey. Yo se 2 premye etidyan k ap travay kòm etidyan / apranti sou Platfòm MIT-Ayiti. Ezra Remer ak Djeride Jean-Baptiste se 2 nouvo Grenadye sou Platfòm lan — y ap ede nan kominikasyon.
20/04/2020
Pwofesè Abdias Augustin se enjenyè elektromekanisyen e li se yon chimis tou. Li anseye nan fakilte syans yo, nan Inivèsite Leta d Ayiti. Li anseye kou sou aparèy yo itilize pou fè analiz chimi. Li anseye nan lòt fakilte tou. Epi tou, Pwòf Abdias se yon manm Konbit MIT-Ayiti. Videyo sa yo bay kèk egzanp […]
11/04/2020
Nan Platfòm MIT-Ayiti, nou rete kwè ni aprenan ni anseyan ka tou vin otè k ap ekri pwòp liv pa yo, pou kominote pa yo. Nou kontan kolabore ak patnè tankou Pwòf Zermatt Scutt nan Edisyon 2 Kreyòl Yo. Pwòf Zermatt se moun Benè. Se nan vil Jakmèl l ap viv kounye a. Li deja […]
04/04/2020
Se chak Ayisyen ak Ayisyèn ki dwe remèsye Pwofesè Yves Dejean kòm lengwis e kòm edikatè pou kokenn chenn travay li fè pou peyi d Ayiti. Travay sa a se tankou yon Batay Vètye pou libere peyi d Ayiti an ba bòt neyo kolonyal move edikasyon frankofil sa a k ap plede bloke peyi a […]
